without a title

انا بتأسف ان بقالي كتير ما كتبتش حاجه لو كان حد مهتم اساسا...المره دي انا قررت اكتب بالعربي,ممكن علشان التغيير او لاني حسيت ان كده ممكن اتفهم اكتر.فعلا و انا موافقاكم عنوان البوست ده غريب حبتين لاني فعلا ملقيتش عنوان لان اللي هكتبه النهارده على امل ان اي انسان او انسنانه في يوم هيقراه مش في موضوع معين....انا النهارده تعمدت ان اي كلمه هكتبها هتبقى بصراحه بحته
ليه يا جماعه احنا اساسا بنكتب و بنعبر عن حاجه جوانا في المنتديات و البلوجات ؟؟ ليه معظم المصريين خاصة الشباب محدش فاهمهم او حاسس بيهم؟ ليه ممكن الانسان مننا تدمره حاجه كانت في يوم وسيلة نجاته او نقول خلاصه؟
يا ترى انت او انتي عارف او عارفه انتوا عايزين ايه بجد؟في ناس ممكن تختار الفلوس او راحة البال او السعادة و في ناس تانيه ممكن مش عارفه هي فعلا من جواها عايزه ايه...و الناس اللي بتقول ان مجتمعنا قال ايه مجتمع ديمقراطي و فيه مساواة بين كل الناس..غني و فقير قوي او ضعيف هي نفسها الناس اللي بتقبض على الناس لمجرد مطالبتهم بحقوقهم الطبيعيه.يمكن دي مشكلتنا,بس اكيد ان المشكله دي حلها في ايدينا.طيب نيجي لحال الناس -غير المصريين-او نقول مثلا العراقيين اللي اميركا مش سايباهم يعيشوا لحظة سعاده او الفليسطينيين اللي قضيتهم خلاص اتنست او اهملت كأنها مكانتش حصلت او انها الواقع اللي محدش يقدر يغيره.انا اكيد مش قصدي اخلي الموضوع مليان كآبه و كده بس صدقوني دي حاجات لازم نفكر فيها لان في يوم ممكن ييجي علينا الدور.الحياه مش سوده قوي هو فعلا غريب ان انا اللي بقول كده لاني مصدر الكآبه في الكون كله بس صدقوني الحياه ممكن مش بسيطه و سهله بس عمرك ما تغير رأيك علشان حد تاني و اعرف ان بدام تصرفاتك صح محدش له الحق انه ينتقدك او يرفض التصرفات دي,بشكركم علشان فتحتم المجال لكل انسان و انسانه انهم يعبروا عن رأيهم بصراحه و يا ريت يكون عجبكم الموضوع ده و لسه عندي امل انه يتقري ان شاء الله

besara7a momken a2ol 7aga wa7da
(7aram 3aleki ya balad)

la2 dah a7san mawdoo3 katabto ya moshi 7aram 3aleek

ana mesh ba2ol 3aleeki el mawdooo3 gamed gedan
ana ba2ol keda 3ala el balad ely e7na 3aysheen feha ely feha 7aram ne2ool el sara7a we law olnaha yeb2a hanmooot
bas keda da asdy
7aram 3aleki ya balad
moshi

3ndk 72 ya mesho howa kada bel zabt (law 2olna el sara7a hnmoot)