CoRCoS MoDeRaToR
Number of posts : 1327 Age : 30 Registration date : 2007-07-17
| Subject: MeZo We SaMsaMa (2) Thu Jul 19, 2007 11:41 am | |
|
سمسمه ـ جمعت مبلغ كويس ؟
ميزو ـ طبعًا .. مبلغ كبير جدًا ..
سمسمه ـ قد إيه يعني ؟
ميزو ـ ألف جنيه
سمسمه ـ نعم ؟!!! .. ألف جنيه دول تروح تسرح بيهم ببطاطا ..
ميزو ـ يعني موافقة ؟
سمسمه ـ روح اتنيل .
*****
ميزو ـ تتجوزيني ؟
سمسمه ـ عندك شقة ؟
ميزو ـ طبعًا .. أودة على السطوح ..
سمسمه ـ نعم ؟!! ..
ميزو ـ إيه المشكلة ؟! .. أحسن ما ننام في الشارع !
سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة .
ميزو ـ طيب .. كلها كام سنة وأجيبلك أحسن شقة في الدنيا .
سمسمه ـ وهتجيبها في جاردن سيتي ولا في الزمالك ؟
ميزو ـ لا .. في الأهلي .. هيهع هيهع هيهع !
*****
( بعد سنوات) :
ميزو ـ تتجوزيني ؟
سمسمه ـ جبت الشقة ؟
ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت
لسبع سنوات .. لكن المهم إنها جات ..
سمسمه ـ فانتاستيك
ميزو ـ بس الشقة ناقصة حاجة .
سمسمه ـ إيه هي ؟
ميزو ـ مفيهاش حمام !
سمسمه ـ امشي من قدامي ! .. مش طايقاك !
*****
ميزو ـ تتجوزيني ؟
سمسمه ـ إنت تاني ؟
ميزو ـ جبتلك حمّام إنما إيه
سمسمه ـ خليه ينفعك
ميزو ـ ليه بس ؟ .. ده ينفع لينا احنا الاتنين
سمسمه ـ وأنا مالي ؟
ميزو ـ مش عاجبك .. مش مشكلة .. أكتبه باسمك
*****
(بعد سنين) ..
ميزو ـ هتتجوزيني ولا أولع فيكي ؟
سمسمه ـ ومالك محروق كدة ؟
ميزو ـ حكايتنا طولت قوي .. طولت أكتر من اللازم
سمسمه ـ أوكي .. بس ممكن أعرف حاجة ؟
ميزو ـ إيه ؟
سمسمه ـ إنت ليه متمسك بيا أوي كدة يا مزمز ؟
ميزو ـ أصل .. أصل ..
سمسمه ـ أصل إيه ؟
ميزو ـ أصل أنا بحُبك (بضم الحاء) !
سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..
وبعدين خليك روش وقول : I love you
ميزو ـ ماشي .. بس قوليلي ..
سمسمه ـ نعم ؟
ميزو ـ روش دي تبقى شتيمة ؟
*****
ميزو ـ تتجوزيني ؟
سمسمه ـ بصراحة .. في حاجة كنت عاوزة أقولهالك من زمااااااان يا ميزو .
ميزو ـ إيه ؟
سمسمه ـ أنا بصراحة .. مش شايفة إن في حد في العالم يستاهلني
ميزو ـ يا سلام ! .. ليه ؟
سمسمه ـ عشان أنا جميلة .. خفيفة الدم .. رشيقة .. رقيقة ..
ميزو ـ رقيقة ؟! .. ده انت بدأتي تقشفي
سمسمه ـ فشر !
ميزو ـ فوقي لنفسك .. العمر بيجري ..
سمسمه ـ أنا مصرة على رأيي
ميزو ـ يعني إيه ؟
سمسمه ـ يعني اقطع معايا
ميزو ـ بعد كل السنين دي ؟! .. بعد كل الحب ده ؟!!
سمسمه ـ بلاش تراجيديا من فضلك
ميزو ـ ماشي .. بس قبل ما أمشي عاوز أسألك سؤال واحد بس ..
سمسمه ـ إيه هو ؟
ميزو ـ تراجيديا دي تبقى شتيمة ؟
| |
|
M..B..S AdMiNStRaToR
Number of posts : 1614 Age : 32 Localisation : Egypt Registration date : 2007-06-24
| Subject: Re: MeZo We SaMsaMa (2) Sun Jul 22, 2007 12:10 pm | |
| | |
|
CoRCoS MoDeRaToR
Number of posts : 1327 Age : 30 Registration date : 2007-07-17
| Subject: Re: MeZo We SaMsaMa (2) Sun Jul 22, 2007 7:08 pm | |
| | |
|
Sponsored content
| Subject: Re: MeZo We SaMsaMa (2) | |
| |
|